አዋጭ የገንዘብ ቁጠባና ብድር ኃላፊነቱ የተወሰነ መሠረታዊ የህብረት ሥራ ማኅበር

አዋጭ ለአነስተኛ የንግድ ሥራ እስከ ብር 400,000 (አራት መቶ ሺህ) ድረስ የሚያበድር ሲሆን ለንግድ መኪና ደግሞ እስከ ብር 800,000 (ስምንት መቶ ሺህ) ድረስ ያበድራል።

ለመበደር ምን ማድረግ አለብኝ?

ለአነስተኛ ንግድ ሥራ ብድር አባል ሆኖ ቢያንስ ለ6 (ስድስት) ወራት በተከታታይ መቆጠብ ይኖርበታል። የሚበደረውን ገንዘብ መጠን 25% (አንድ አራተኛ) መቆጠብ አለበት።

የንግድ መኪና ለመግዛት ለሚሰጥ ብድር አባል ሆኖ ቢያንስ ለ 12 (ዐሥራ ሁለት) ወራት በተከታታይ መቆጠብ ይኖርበታል ። የሚበደረውን ገንዘብ መጠን 40% (አርባ በመቶ) መቆጠብ አለበት።

አዋጭ በነኝህ ዋስትናዎች ለአነስተኛ ንግድ እንዲሁም ለንግድ መኪና ያበድራል:- በቁጠባ ዋስትና፣ በደመወዝ ዋስትና እና በአባል ዋስትና፣ በንብረት ዋስትና (ለየመኪና እና የቤት ብድር የሚገዛው ንብረት ራሱ ዋስትና ይሆናል)

የአዋጭ የዋና መሥሪያ ቤት፣ የቅርንጫፎች አድራሻ እና ስልክ ቁጥሮች

አዋጭ ዋና መሥሪያ ቤት

ቅርንጫፍ	አድራሻ	ስልክ ቁጥር
ዋና መሥሪያ ቤት	አዲስ አበባ፣ አዋሬ አጋር ሕንፃ 2ኛ ፎቅ	+251 11 557 97 98
ዋና መሥሪያ ቤት	አዲስ አበባ፣ አዋሬ አጋር ሕንፃ 2ኛ ፎቅ	+251 11 557 88 89
ዋና መሥሪያ ቤት	አዲስ አበባ፣ አዋሬ አጋር ሕንፃ 2ኛ ፎቅ	+251 11 557 98 99
ዋና መሥሪያ ቤት	አዲስ አበባ፣ አዋሬ አጋር ሕንፃ 2ኛ ፎቅ	+251 944 69 69 69

አዋጭ የአዲስ አበባ ቅርንጫፍ ቢሮዎች

ቅርንጫፍ	አድራሻ	ስልክ ቁጥር
ሥላሴ ቅርንጫፍ	ቅድስት ስላሴ መንፈሳዊ ኮሌጅ ሕንፃ 1ኛ ፎቅ	+251 111 26 01 92
ስታዲዮም ቅርንጫፍ	የሓ ሲቲ ሴንተር 1ኛ ፎቅ	+251 118 12 44 13
ስድስትኪሎ ቅርንጫፍ	ሊደርሺፕ ሕንፃ ምድር ላይ	+251 118 68 55 98
ልደታ ቅርንጫፍ	ኤ አይ ኤ የገበያ ማዕከል ሕንፃ 2ኛ ፎቅ	+251 115 30 30 98
ሰዓሊተ ምህረት ቅርንጫፍ	ድራር ሞል 1ኛ ፎቅ	+251 116 73 2011
ጀሞ ቅርንጫፍ	ኤክስፕረስ ፕላዛ 1ኛ ፎቅ	+251 113 69 86 83
አዲሱ ገበያ ቅርንጫፍ	ጃምቦ ሕንፃ 3ኛ ፎቅ	+251 111 54 74 40
ቦሌ ቅርንጫፍ	ቦሌ መድኃኒዓለም ሽግር ህንፃ ፊት ለፊት ከንብ ባንክ አጠገብ ባለው ህንፃ 1ኛ ፎቅ	+251116671443
ቃሊቲ ቅርንጫፍ	ቃሊቲ ቶታል ካፍደም ህንፃ 2ኛ ፎቅ	+251114715955

አዋጭ የኦሮሚያ ክልል ቅርንጫፍ ቢሮዎች

ቅርንጫፍ	አድራሻ	ስልክ ቁጥር
ቢሾፍቱ ቅርንጫፍ	ጠንክርና ቤተሰቡ ሕንፃ 2ኛ ፎቅ	+251 118 12 42 42
ጫንጮ ቅርንጫፍ	አዳም ሕንፃ ምድር ላይ	+251 118 12 43 44
ሰበታ ቅርንጫፍ	ሳምቡሳ ቤት አካባቢ ኦፍታና ህንፃ ፊትለፊት	+251 113 38 45 23
ሆለታ ቅርንጫፍ	ቀልቤሳ ሆቴል አጠገብ ሃና ፋርማሲ ያለበት ህንፃ 1ኛ ፎቅ	+251 112 61 07 77

ጠቃሚ መረጃዎች ስለ አዋጭ የገንዘብ ቁጠባና ብድር ኃላፊነቱ የተወሰነ መሠረታዊ የሕብረት ሥራ ማኅበር

ለአባላት የሚሰጥ የብድር ዓይነትና መጠን እንዴት ነው?

ተ.ቁ.	የብድር ዓይነት	የብድር መጠን በብር እስከ	ብድር ለመውሰድ የቅድመ ቁጠባ መጠን በመቶኛ (%)	ብድር ለመውሰድ የቅድመ ቁጠባ መጠን በብር	ብድር ለመውሰድ የቅድመ ቁጠባ መጠንና ጊዜ በተከታታይ	የብድር ወለድ መጠን በመቶኛ (%)	የብድር መመለሻ ጊዜ እና ገደብ
1	መደበኛ ብድር - ለማኅበራዊ ጉዳይ	100,000 (አንድ መቶ ሺህ)	25%	25,000 (ሃያ አምስት ሺህ)	6 ወር እና ከዚያ በላይ	13.5%	3 ዓመት
2	መደበኛ ብድር - ለትምህርትና ለጤና	100,000 (አንድ መቶ ሺህ)	25%	25,000 (ሃያ አምስት ሺህ)	6 ወር እና ከዚያ በላይ	13.5%	3 ዓመት
3	መደበኛ ብድር - ለአነስተኛ ንግድ	400,000 (አራት መቶ ሺህ)	25%	100,000 (አንድ መቶ ሺህ)	6 ወር እና ከዚያ በላይ	13.5%	3 ዓመት
4	ለቤት መኪና ብድር	600,000 (ስድስት መቶ ሺህ)	40%	240,000 (ሁለት መቶ አርባ ሺህ)	1 ዓመት እና ከዚያ በላይ	14.5%	5 ዓመት
5	ለንግድ መኪና ብድር	800,000 (ስምንት መቶ ሺህ)	40%	320,000 (ሦስት መቶ ሃያ ሺህ)	1 ዓመት እና ከዚያ በላይ	14.5%	5 ዓመት
6	ለቤት ብድር መያዣ መሥሪያ ማደሻ	1,000,000 (አንድ ሚሊዮን)	30%	300,000 (ሦስት መቶ ሺህ)	1 ዓመት እና ከዚያ በላይ	15.5%	10 ዓመት

ብድር ለማግኘት የሚያበቁ መስፈርቶች ምንድን ናቸው?

አንድ አዲስ አባል የብድር አገልግሎት ለማግኘት ቢያንስ ለተከታታይ 6ወራት መቆጠብ ሲኖርበት ለመኪና እና ለቤት ብድር ደግሞ ቢያንስ አንድ ዓመት መቆጠብ አለበት በተጨማሪም የገቢ መግለጫ፣ተመጣጣኝ ዋስትና እና የጋብቻን ሁኔታ የሚገልፅ ሰርተፍኬት የራሱም የዋሱንም፣ ባል ወይም ሚስት በአካል ማቅረብ እንዲሁም ዋስም በአካል መቅረብ ይኖርበታል። ተበዳሪው ከጠቅላላ ብድሩ 1% የብድር መድህን እና 1% ደግሞ የአገልግሎት ክፍያ መክፈል አለበት።

ብድር ለመበደር ምን ዓይነት ዋስ ነው ማቅረብ ያለብኝ?

በቁጠባ ዋስትና
በደመወዝ ዋስትና እና በአባል ዋስትና
በንብረት ዋስትና የሚሰጥ ብድር
የመኪና ብድር እና የቤት ብድር የሚገዛው ንብረት ራሱ ዋስትና ይሆናል።
ማንኛውም ብድር የሚሰጠው የተበዳሪው የመክፈል አቅም ያገናዘበና ባቀረበው ዋስትና መጠን ብቻ ነው።

አቆጣጠቡ እንዴት ነው?

የማኅበሩ መነሻ ወይም ዝቅተኛ መደበኛ ቁጠባ መጠን ብር 350.00 (ሦስት መቶ ሃምሳ) ወይም ከ30 ቀናት ገቢ ውስጥ 10% ሲሆን ይህን ቁጠባ ሳያቋርጥ በየወሩ መቆጠብ ይኖርበታል፣
እያንዳንዱ አባል ከመነሻ የቁጠባ መጠን በተጨማሪ የፍላጎት ቁጠባ መቆጠብ ይችላል።
አንድ አባል የቆጠበውን መደበኛ ቁጠባ ከአባልነት ሲለቅ ብቻ ይወስዳል። ነገር ግን ተጨማሪ/የፍላጎት ቁጠባውን አስገዳጅ በሆነ ጊዜ ወጪ አድርጎ መጠቀም ይችላል።

አዋጭ ማነው?

አዋጭ የገንዘብ ቁጠባና ብድር ኃላፊነቱ የተወሰነ መሠረታዊ የህብረት ሥራ ማኅበር ህብረተሰቡ ከሚያገኘው ገቢ ላይ የተወሰነ ገንዘብ በመቆጠብ እራሱን በራሱ እንዲረዳና የቁጠባን ባህል በማዳበር ፈጣን የሆነ የብድር አገልግሎት ለመስጠት ታስቦ በአቶ ዘሪሁን ሸለመ ዋና መስራችነት 41አባላትን በማሰባሰብ መጋቢት 13/1999 ዓ.ም. በመጀመሪያ በአራዳ ክፍለ ከተማ በአዋጅ 147/91 ተመሠረተ። ኅብረት ሥራ ማኅበሩ ባሳየው ከፍተኛ እድገት የሥራ ክልሉን በማስፋት በፌዴራል ኅብረት ሥራ ኤጀንሲ ምዝገባ ቁጥር አገ/ቁ/ብ/005/09 ተመዝግቦ ፈቃድ ያለው፤ በፌደራል ኅብረት ሥራ ኤጀንሲ የኅብረት ሥራ ማኅበራት ብቃት ማረጋገጫ መመሪያ ቁጥር 018/2007 መሠረት ተመዝኖ 81.65 ከመቶ በማግኘት በከፍተኛ ደረጃ የብቃት ማረጋገጫ እና የዕውቅና ምስክር ወረቀት ታህሳስ 26 ቀን 2009 ዓ.ም. የተሰጠው ኅ/ሥ/ማኅበር ነው። በተጨማሪም አዋጭ የገንዘብ ቁጠባና ብድር ኅብረት ሥራ ማኅበር በኢትዮጵያ የመጀመሪያው የዓለም አቀፍ ኅብረት ሥራ ኅብረት (CA) አባል እንዲሁም የአፍሪካ የቁጠባና ብድር ኅብረት ሥራ ኮንፌደሬሽን (ACCOSCA) ተባባሪ አባል የሆነ ማህበረሰብ አቀፍ ህብረት ሥራ ማኅበር ነው።