ምሳሌ የብድር አገልግሎት – ከዳይናሚክ ማይክሮ ፋይናስ ተቋም አ.ማ.

ዳይናሚክ ማይክሮ ፋይናስ ተቋም አ.ማ. የኅብረተ ሰቡን ፍላጎት ያማከለ የፋይናንስ አገልግሎት በመስጠት ላይ ይገኛል። ተቋሙ የደንበኞቹን ፍላጎት መነሻ በማድረግ በየጊዜው አሠራሩን በቴክኖሎጂ እያዘመነ የሚገኝ ሲሆን አገልግሎቱን ለበርካታ የኅብረተ ሰብ ክፍሎች ተደራሽ ለማድረግ ቅርንጫፎችን እና የአገልግሎት አድማሱን በማስፋት ላይ ይገኛል። ተቋሙ ወጣቱን የኅብረተ ሰብ ክፍል ይበልጥ ተጠቃሚ ለማድረግ በአሁኑ ሰዓት ምሳሌ የተባለ የብድር አገልግሎት አዘጋጅቷል።

የምሳሌ ብድር አገልግሎት ተጠቃሚ የሚሆነው ማን ነው?

ምሳሌ የብድር አገልግሎት መደበኛ እና መደበኛ ባልሆኑ የንግድ ሥራዎች ላይ ለተሰማሩ እና ለመሰማራት ፍላጎት ያላቸው ወጣቶች በቡድን እና በተናጠል የብድር ተጠቃሚ ለማድረግ በተቋሙ የተዘጋጀ የብድር ዓይነት ነው። የብድር አገልግሎቱ ተጠቃሚ ለመሆን የሚያስፈልጉ ዋና ዋና መስፈርቶች ምንድን ናቸው?

በፈቃደኝነት በቡድን ለመደራጀት እና በእርስ በእርስ ዋስትና ለመበደር ፍላጎት ያላቸው መሆን፤
በቡድን የሚደራጁ ወጣቶች ብዛት ከ3 እስከ 5 ይሆናል፤
የእያዳንዱ ቡድን አባል እርስ በእርስ በሚገባ መተዋወቅና መግባባት አለባቸው፤
ሁሉም የቡድኑ አባላት ብድሩ ተመላሽ አንዲሆን በጋራ መሥራት እና ኃላፊነት መውሰድ (አንድ የቡድን አባል ብድሩን መክፈል ባይችል ሌሎች የቡድኑ አባላት ለመክፈል እንደሚገደዱ በሚገባ መገንዘብ አለባቸው)፤
የቡድን አደረጃጀቱ ከቤተሰብ አባላት የተውጣጣ ሊሆን አይችልም (የቤተሰብ ሲባል የቅርብ ዝምድና ያላቸው የቤተሰብ አባላት እና በአንድ የገቢ ምንጭ የሚተዳደሩ የቤተሰብ አባላትን ያካትታል)፤
የአገልግሎቱ ተጠቃሚዎች አድሜያቸው ከ18 እስከ 40 ዓመት የዕድሜ ክልል ውስጥ ሊሆኑ ይገባል፤
የአመልካቾች የሥራ ቦታ ተቋሙ በሚገኝበት የሥራ አካባቢ መሆን አለበት፤
አመልካቾች የታደሰ የነዋሪነት መታወቂያ ማቅረብ ይኖርባቸዋል፤
አመልካቾች የብድሩን 10% ቅድመ ብድር ቁጠባ መቆጠብ አለባቸው (ደንበኞች ቅደመ ብድር ቁጠባን ከብድሩ ላይ እንዲታሰብ ማድረግ ይችላሉ)፤
የብድር አመልካቾች ብድሩን ለመመለስ በሚያስችል የንግድ ሥራ ላይ መሠማራት ይኖርባቸዋል፤
አመልካቾች ከየትኛውም አበዳሪ ተቋም ተበድረው ተመላሽ ያላደረጉት ብድር ሊኖር አይገባም፤
አመልካቾች የወሰዱትን ብድር ለመክፈል የሚያስችል መደበኛ ገቢ ያላቸው ሊሆኑ ይገባል፤
ሁሉም አመልካቾች በተቋሙ መመሪያ መሠረት ለመተዳደር ፈቃደኛ መሆን ይጠበቅባቸዋል።

ለብድር የሚቀርቡ የዋስትና ዓይነቶች

አመልካቾች ለሚበደሩት ብድር ከዚህ በታች የተጠቀሱትን በማስያዣነት መጠቀም ይችላሉ።

የቡድን ዋስትና
የቁጠባ ዋስትና
የቋሚ ተቀጣሪ ሠራተኛ የደሞዝ ዋስትና ወይንም የንብረት ዋስትና

ምሳሌ - የብድር ዓይነትና መጠን

አመልካቾች መጠየቅ የሚችሉት ከፍተኛ የብድር መጠን እንደ ሥራው አይነትና በገቢ መጠን የሚወሰን ይሆናል።

የብድር ዓይነት	በ1ኛ ዙር የሚሰጠው ከፍተኛ የብድር መጠን በብር	በ2ኛ ዙር የሚሰጠው ከፍተኛ የብድር መጠን በብር	በ3ኛ ዙር የሚሰጠው ከፍተኛ የብድር መጠን በብር	በ4ኛ ዙር የሚሰጠው ከፍተኛ የብድር መጠን በብር
በቡድን ዋስትና የሚሰጥ ብድር	20,000	30,000	40,000	50,000
የጥቃቅንና አነስተኛ ኢንተርፕራይዝ ብድር	50,000	50,000	50,000	50,000
የግለሰብ ብድር	50,000	50,000	50,000	50,000