ዕድገት

ከአንድ የኢንተርፕራይዝ ደረጃ ወደ ሌላው ማደግ የሚቻለው እንዴት እና መቼ ነው?

አንድ ኢንተርፕራይዝ ከአንድ የዕድገት ደረጃ ወደ ሌላ በዓመት አንድ ጊዜ ብቻ ደረጃውን ማሳደስና ወደ ሌላ ደረጃ መሸጋገር ይችላል።

የዕድገት ደረጃ ማሳደግ የሚቻለው ከሐምሌ 1 እስከ ጥቅምት 30 ድረስ ብቻ ሲሆን፣ ከህዳር 1 እስከ 30 ደግሞ ከጽሑፍ ማስጠንቀቂያ ጋር የዕድገት ደረጃ ሊታደስ ይችላል።

ለጥቃቅንና አነስተኛ ኢንተርፕራይዞች የሚሰጡ የዕድገት ደረጃ ዓይነቶች ምን ምን ናቸው?

1. ምሥረታ ወይም ጀማሪ
2. ታዳጊ ወይም መስፋት
3. መብቃት
4. ታዳጊ መካከለኛ
5. ከፍተኛ ኢንዱስትሪ

ማንኛውም የጥቃቅንና አነስተኛ ኢንተርፕራይዝ እስከ 5ኛ ዓመት ድረስ የዕድገት ደረጃውን ቢያሻሽልም ባያሻሽልም ወደ ታዳጊ መካከለኛ መሸጋገር አለበት። ይህ ካልሆነ የዕድገት ደረጃ ሰርትፍኬቱ ተሰርዞ ከየትኛውም የጥቃቅንና አነስተኛ የድጋፍ ማዕቀፎች ውጪ ሊሆን ይችላል።

ማስታወሻ፦ ይሄ መረጃ የተዘጋጀው ቀድሞ ከአዲስ አበባ ከተማ አስተዳደር የሥራ ፈጠራ እና ኢንተርፕራይዝ ልማት ቢሮ አሁን ከአዲስ አበባ ከተማ አስተዳደር የሥራ፣ ኢንተርፕራይዝና ኢንዱስትሪ ልማት ጽሕፈት ቤት በተገኘው መረጃ ላይ ተመሥርቶ ለጥቃቅን እና አነስተኛ ድርጅቶች በሚጠቅም መልኩ ተቀናብሮ ነው።